पार्टीभित्रको गुट अन्त्य गर्छु : ‘गच्छदार’

२०७५ कात्तिक २१ बुधवार
1K
shares
काठमाडौं । प्रमुख प्रतिपक्ष दल नेपाली कांग्रेसका नवनियुक्त उपसभापति विजयकुमार गच्छदारले पार्टी भित्रको गुट अन्त्य गर्ने दाबी गरेका छन् ।
बुधबार रिपोर्टर्स क्लब नेपालले आयोजना गरेको देउसी–भैलो कार्यक्रममा पत्रकारहरुसँग संक्षिप्त कुराकानी गर्दै नेता गच्छदारले सिँगो पार्टीलाई अब एकतावद्ध बनाएर अघि बढाउने उद्धघोष गरे । उनले भने,‘सकेसम्म म पार्टीभित्रको गुट अन्त्य गर्छु, यदि सकिन भनेपनि विवादलाई न्यूनिकरण गर्छु ।’ उनले पार्टीमा रहेका गुट-उपगुट अन्यत्को लागि आफूले सक्दो प्रयास गर्ने प्रतिबद्धता जनाए । उनले थपे,‘पार्टीलाई समन्वयनकारी भूमिका निर्वाह गरेर एक ढिक्का बनाउँछु ।
अबको मेरो प्रयास त्यही हुनेछ ।’ कांग्रेसले अब सशक्त प्रतिपक्षको भूमिका निर्वाह गर्ने पनि उनले जनाए । उनले भने,‘आगामी निर्वाचनमा कांग्रेस एक नम्बर पार्टी बन्छ । अहिलेको समस्या समाधान गर्न कांग्रेसले भुमिका निर्वाह गर्छ ।’ पार्टीभत्र आफूले पाएको नयाँ जिम्मेवारीलाई कुशलताका साथ निभाउने पनि गच्छदारको भनाई छ । उनले भने,‘म आफ्नो जिम्मेवारी पुरा गर्दै अघि बढ्छु । पार्टीलाई सुदृढ, सबल र एकताबद्ध बनाउँछु ।’

२०७५ कात्तिक २१ बुधवार