काठमाडौं । राप्रपा अध्यक्ष कमल थापा र एकीकृत राप्रपा राष्ट्रवादीका अध्यक्ष डा. प्रकाश चन्द्र लोहनी बीच भेटवार्ता भएको छ ।

काठमाडौंमा बुधबार भएको भेटवार्तामा पार्टी एकताका लागि भएको दुई अध्यक्ष बीचको वार्ता सकारात्मक रहेको राप्रपा प्रचार विभाग प्रमुख मोहन श्रेष्ठले जानकारी दिए । समान विचारधार भएका दलबीच एकता र सहकार्य गर्ने नीति लिएको राप्रपा, राप्रपा (प्रजातान्त्रि), र एकीकृत राप्रपा (राष्ट्रवादी) बीच बलियो राष्ट्रवादी शक्ति निर्माण गर्ने विषयमा छलफल सुरु भएको छ । पार्टी एकताको लागि राप्रपा अध्यक्ष थापा र राप्रपा (प्रजातान्त्रिक) का अध्यक्ष पशुपतिशमशेर जबरा बीच मंगलबार भेटवार्ता भएको थियो ।

एकता प्रक्रियालाई टुंगोमा र्पुयाउन दुवै दलसँग वार्ता जारी रहनेछ । केन्द्रीय कार्यसम्पादन समितिको बैठकले समान विचार र सिद्धान्त भएका दलसँग एकताका लागि आवश्यक निर्णय लिने सम्पूर्ण अधिकार अध्यक्ष राणालाई दिएअनुसार महाराजगञ्जस्थित अध्यक्ष राणाको निवासमा छलफल भएको राप्रपा प्रचार विभाग प्रमुख श्रेष्ठले जानकारी दिए ।