बिदाई तथा फेरी भेटौला कार्यक्रम सम्पन्न
सुर्खेत । कर्णाली प्रदेश प्रहरी प्रमुख प्रहरी नायव महानिरीक्षक लालमणि आचार्यकाे प्रमुख आतिथ्यतामा बिदाई तथा फेरी भेटौला कार्यक्रमसम्पन्न भएकाे छ।
सशस्त्र प्रहरी बल, नेपाल नं.६ महेश्वरी बाहिनी सुर्खेतमा कार्यरत सशस्त्र प्रहरी नायव महानिरीक्षक प्रदिप कुमार पाल सरुवा भई राष्ट्रिय सुरक्षा परिषदको सचिवालय काठमाण्डौं र सशस्त्र प्रहरी बल, नेपाल नं.३२ गण हे.क्वा.रक्तकाली सुर्खेतमा कार्यरत सशस्त्र प्रहरी उपरीक्षक रोशन बुढाथोकी सरुवा भई सशस्त्र प्रहरी बल, नेपाल दन्तकाली बिशेष कार्य तालिम शिक्षालय सप्तरी जान लाग्नु भएकोमा उहाँहरुको सफल कार्यकालको शुभकामनाको लागि यस कर्णाली प्रदेश प्रहरी कार्यालय सुर्खेतमा बिदाई तथा फेरी भेटौला कार्यक्रम सम्पन्न भएकाे हाे ।
उक्त कार्यक्रममा कर्णाली प्रदेश प्रहरी प्रमुख प्रहरी नायव महानिरीक्षक लालमणि आचार्य, राष्ट्रिय अनुसन्धान निर्देशक माधव तिमिल्सिना, जिल्ला प्रहरी कार्यालय सुर्खेतका प्रमुख प्रहरी उपरीक्षक योगेन्द्र सिंह थापा, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका प्रमुख प्रहरी उपरीक्षक राम प्रकाश शाह लगायत सिनियर प्रहरी अधिकृतहरुको उपस्थिति रहेको थियो ।
५ फागुन २०८०, शनिवार १२:३७ बजे प्रकाशित
