मुक्तिखबर,काठमाडौं ।

प्रधानमन्त्री केपी शर्मा ओली र नेपाली कांग्रेसका नेता डा। शेखर कोइरालाबीच आज प्रधानमन्त्री निवास बालुटारमा गोप्य भेटवार्ता भएको छ ।

बिहीबार बिहानै प्रधानमन्त्री निवासमा ओली र शेखरबीच डेढघण्टा लामो गोप्य भेटवार्ता भएको जनाईएको छ ।

भेट्ने बित्तिकै कोइरालाले आफुले नैतिकताको आधारमा राजिनामा दिनुपर्छ भनेको प्रसङ्गबाट कुरा सुरु भएको थियो ।

पार्टीको आसन्न महाधिवेशनमा सभापती लड्ने भन्दै देश दौडाहामा रहेका कोइराला र प्रधानमन्त्रीबीचको यो भेटघाटलाई निकै अर्थपुर्ण रुपमा हेरिएको छ।

उक्त गोप्य भनिएको भेटवार्तामा राष्ट्रिय राजनीति, बाँस्कोटा प्रकरण, संविधान संशोधन, नेकपाभित्रको चलिरहेको आन्तरिक कलह र कांग्रेस पार्टी लगायतका समसामयिक विषयमा छलफल भएको बताइएको छ ।
भेटमा प्रधानमन्त्री ओली देशका बारेमा निकै चिन्तित देखिएको बताइएको छ ।

शेखरले व्यक्तिको अनुहार हेरेर संविधान संशोधन गर्दा कुनै पनी बेला मुलुक दुर्घट्नामा पर्न सक्ने भन्दै त्यसो नगर्न प्रधानमन्त्रीलाई सुझाएका थिए ।

प्रधानमन्त्री ओली र शेखरबीच भेटवार्ता भएको सार्वनिक भएपनि डेढ घण्टा लामो उक्त भेटमा थप के के कुरा भयो भन्नेबारे स्रोतले बताउन मानेन ।