काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच आज पार्टी एकताको विषयमा भएको छलफल विना निष्कर्ष टुङ्गेको छ ।

बालुवाटार स्थित प्रधानमन्त्रीको सरकारी निवासमा दुई अध्यक्षबीच कार्यदलले बुझाएको प्रतिवेदन माथी छलफल भएपनि निष्कर्षमा पुग्न नसकेको हो । दुई नेताबीच केहीदिनयता लगातार छलफल हुँदै आएपनि सहमति जुट्न सकेको छैन । मिल्न बाँकी विषयमा भोली फेरी छलफल गर्ने सहमति भएको छ ।

यसअघि बिहीबार पनि प्रधानमन्त्री ओली र प्रचण्डबीच दिउसो भएको थियो । दुबै समितिले आ–आफ्ना प्रतिवेदन बुझाएपछि नमिलेका विषय टुङ्गो लगाउन वैशाख ४ गते पार्टी एकता संयोजन समितिको बैठक बसेको थियो । तर, त्यो बैठक निष्कर्षमा पुग्न नसकेपछि दुबै अध्यक्षले कसरत जारी राखेका छन् । एमाले–माओवादी एकताका लागि निर्वाचन चिन्ह, दस्तावेजमा जनयुद्धको सम्वोधन र संगठनात्मक समायोजन गर्दा अपनाईने सिद्धान्त लगायतका विषयमा विवाद रहेको जनाएको छ ।